ACMHAINNÍ DO MHÚINTEOIRÍ NA SRAITHE SÓISEARAÍ
GLÓRTHA ÓN AM A CHUAIGH THART
Naisc leis an siollabas:
- Smaointeoireacht stairiúil a chur i bhfeidhm
- Naisc idir daoine, eachtraí agus áiteanna sa saol atá thart
- Stair phearsanta, áitiúil nó teaghlaigh
- Nósanna nó mórphatrúin athraithe a aithint de réir a chéile
Taifeadtaí de dhaoine ag caint faoina gcuid cuimhní ar an am a chuaigh thart atá sa stair ó bheál. Is cineál fianaise í an stair béil ar an saol a bhí ag daoine san am a chuaigh thart. Tá a lán stair ó bhéal ag 14 Sráid Henrietta faoin saol sna tionóntáin. Taifeadtaí atá sa stair béil sin de dhaoine a bhí ina gcónaí i dtionóntáin ar fud Bhaile Átha Cliath agus i measc na n-ábhar a phléann siad tá bia agus deochanna, an scoil, spraoi agus cluichí agus an t-aistriú go dtí na bruachbhailte. Bailítear stair ó bhéal trí agallaimh a dhéanamh le daoine faoi ábhair éagsúla agus trí cheisteanna a chur orthu faoina gcuid cuimhní ar aimsir faoi leith.
Is cuimhin le go leor daoine a n-óige sna tionóntáin le linn an 20ú haois. Is bealach iontach í an stair ó bhéal chun na cuimhní beo seo a thaifeadadh agus chun léargas soiléir a thabhairt dúinn ar an saol i dtionóntáin Bhaile Átha Cliath.
Ós rud é go raibh an chuid is mó de na daoine lenar labhair muid ina bpáistí ag an am, tá bailiúchán saibhir cuntas againn ar an saol sna tionóntáin ó thaobh an pháiste. Rinneadh na hagallaimh thíos le daoine a bhí ina gcónaí sna tionóntáin tráth agus pléitear gach gné den saol iontu.