Rochtain
CUAIRT AR 14 SRÁID HENRIETTA
Page last updated: 15/07/2024
Tá Comhlacht Cultúir Chomhairle Cathrach Bhaile Átha Cliath tiomanta do chuairt inrochtana a sholáthar do gach duine a bhfuil suim acu cuairt a thabhairt ar 14 Sráid Henrietta.
AG TEACHT ISTEACH SAN FHOIRGNEAMH
Is féidir le cuairteoirí dul isteach san fhoirgneamh tríd an bpríomhdhoras de 14 Sráid Henrietta. Tá dhá chéim ann i dtreo an phríomhdhorais mar aon le rampa ar féidir le daoine ag a bhfuil bugaithe, áiseanna siúil agus an chuid is mó de chathaoireacha rothaí úsáid a bhaint astu.
De bharr nach bhfuil an príomhdhoras sách leathan le haghaidh gach cineál cathaoireach rothaí, tá bealach isteach ar leith againn ag cúl an tí agus tá cuaille eolais ag an bpríomhbhealach isteach le haghaidh an bhealaigh isteach ag cúl an tí.
BEALACH ISTEACH DO CHATHAOIREACHA ROTHAÍ AGUS DO DHAOINE A bhFUIL A SOGHLUAISTEACHT LAGHDAITHE
Tá gach turas ar an músaem fóirsteanach d’úsáideoirí cathaoireacha rothaí.
Tá rochtain Cuid M san fhoirgneamh.
Téann an foirgneamh siar go dtí na blianta deiridh sna 1740idí, agus is ar éigean a rinneadh aon rud a bhaineann leis an struchtúr, tá céimeanna an staighre cúil neamhchothrom agus géar.
Is féidir an t-ardaitheoir a rochtain le haghaidh urláir an músaeim – ach ní féidir na hurláir riaracháin (an dá urlár is airde) sa teach a rochtain tríd an ardaitheoir.
Déan teagmháil linn roimh ré má bhíonn tú ag tabhairt cuairt orainn sa chás go bhfuil riachtanais soghluaisteachta agat, lena chinntiú go bhfuilimid réidh chun cabhrú leat an foirgneamh a rochtain ar an lá atá sé de rún agat cuairt a thabhairt ar an teach.
Wheelchairs to borrow
Wheelchairs are available for use in the museum free of charge.
Parking
There is one disabled parking bay located at the bottom of the street. However, please note that there is a steep incline in the road to get to 14 Henrietta Street and the street is cobbled.
LEITHRIS
Is áiseanna inrochtana go hiomlán iad ár n-áiseanna seomra folctha do chuairteoirí ag a bhfuil cathaoireacha rothaí nó ag a bhfuil soghluaisteacht lagaithe.
SCÉAL FÍSIÚIL 14 SRÁID HENRIETTA
Chruthaíomar Scéal Físe freisin lena chomhroinnt leis na daoine a úsáideann téacs agus eolas atá bunaithe ar íomhánna mar ullmhúchán le haghaidh cuairt ar an teach seo. Tugtar chun solais ann gnéithe den turas agus an cur chuige inrochtana a úsáidimid chun eispéireas iontach a chur ar fáil.
FEARAS CÉADFACH
Tá fearas céadfach ar fáil ar iasacht ónár ndeasc fáilte. Breathnaigh ar ár scéal físe anseo lena fháil amach faoi gach rud dá bhfuil san fhearas.
TURAS TREORAITHE TRÍ THEANGA CHOMHARTHAÍOCHTA NA hÉIREANN
Ghlac Alvean Jones páirt san Fhoireann treorach ag 14 Sráid Henrietta agus beidh ár dturais mhíosúla ar siúl aige trí Theanga Chomharthaíochta na hÉireann dar tús mhí Lúnasa 2023. Táimid ag súil le fáilte a chur roimh bhaill an Luchta bhodhair chun eolas a fháil faoi stair agus faoi chónaitheoirí an tí.
LÚBA IONDUCHTÚCHÁIN ÉISTEACHTA
Tá córas lúibe ionduchtaithe éisteachta i bhfeidhm ag ár ndeasc fáilte, agus i ngach seomra an músaeim ina bhfuil taispeáint closamhairc.
MADRAÍ CÚNTA
Cuirtear fáilte roimh mhadraí treoracha agus cúnta ag 14 Sráid Henrietta agus ar an turas siúlóide.
TUILLEADH EOLAIS UAIT?
Má tá ceist agat nár freagraíodh thuas nó dá mba mhaith leat plé a dhéanamh ar rochtain ar ár músaem, ná bíodh aon drogall ort teagmháil a dhéanamh linn. Tá beirt Oifigeach Rochtana againn don ghnólacht, Jean Hally agus Olivia Kavanagh agus is féidir leat teagmháil a dhéanamh leo sin ag an seoladh ríomhphoist thíos.
Jean Hally - operations@dublincitycouncilculturecompany.ie
Olivia Kavanagh - admin@14henriettastreet.ie
BEARTAS DEARTHA AGUS INROCHTANA UILÍOCH
Tá Comhlacht Cultúir Chomhairle Cathrach Bhaile Átha Cliath tiomanta do bheartais agus do chleachtais a fhorbairt, lena chinntiú go gcuirtear inrochtaineacht, Dearadh Uilíoch agus freastal réasúnta do dhaoine faoi mhíchumas san áireamh agus seirbhísí á gcur ar fáil do shaoránaigh, do phobail, d’eagraíochtaí, do ghnólachtaí Bhaile Átha Cliath agus do Chomhairle Cathrach Bhaile Átha Cliath í féin.